^Вверх

foto1 foto2 foto3 foto4 foto5


Год волонтера

Год занятости РС(Я)

Версия для слабовидящих

169118
Сегодня
Вчера
На этой неделе
На прошлой неделе
На этом месяце
На прошлом месяце
Все дни
134
246
1562
81526
4756
2797
169118

Ваш IP: 192.168.150.141
2018-02-24 12:24

Погода

Все для Joomla . Бесплатные шаблоны и расширения.

Бүгүҥҥү күҥҥэ тыа хаһаайыстыбатын боппуруоһа, үлэтэ, сайдыыта дойду үрдүнэн сытыытык турар. Тыа сиригэр үлэлиир каадырдары биһиги академиябыт бэлэмниир, ыччаты тыа хаһаайыстыбатыгар сыһыарыыга элбэх үлэни ыытар. Ол курдук СГТХА научнай библиотекатыгар «Чыпчаал» кинигэ тула аһаҕас кэпсэтии ыытылынна, быыстапка тэрилиннэ.

 

 

Кыттыыны ыллылар Степан Степанович Марков, суруйааччы, Россия суруналыыстарын Сойууһун чилиэнэ, «Саха сирэ» уонна «Эркээйи» хаһыаттар общественнай корреспонденнара, «Чыпчаал» диэн 2015 сыллаахха тахсыбыт кинигэ ааптара, ону тэҥэ «Чыпчаал» сэһэн геройун прототиба Романов Лаврентий Николаевич, Саха государственнай университетын тыа хаһаайыстыбатын факультетын выпускнига, Россия агропромышленнай комплексын бочуоттаах үлэһитэ, Саха республикатын үтүөлээх зоотехнига, Россия уонна Саха сирин тыатын хаһаайыстыбатын туйгуна, Мэҥэ хаҥалас оройуонун уонна нэһилиэктэрин бочуоттаах гражданина.

Кэпсэтиигэ санааларын үллэһиннилэр Саха АССР үтүөлээх зоотехнига, Горнай улууһун Таараҕай нэһилиэгин бочуоттаах гражданина, Российскай Федерация тыатын хаһаайыстыбатын бочуоттаах үлэһитэ, Россия аграрнай партиятын чилиэнэ Марков Олег Петрович, историческэй наука доктора, Ярославскай музей дириэктэрэ, аан дойдутааҕы музейдар сэбиэттэрин бочуоттаах чилиэнэ, Саха культуратын үтүөлээх үлэһитэ, Мэҥэ –Хаҥалас, Таатта улуустарын бочуоттаах гражданина Шишигин Егор Спиридонович, “Хотугу сулус”, “Үлэ” албан аат үһүс степенин орденнар кавалердара, Республика тыатын хаһаайыстыбатын үтүөлээх үлэһитэ, Мэҥэ-Хаҥалас бочуоттаах гражданина, Ленинскэй комсомол лауреата Шарин Павел Петрович, Россия үөрэҕин Бочуоттаах үлэһитэ, Саха сирин култууратын туйгуна, үлэ бэтэрээнэ Слепцова Людмила Егоровна, Саха суруйааччыларын Сойууhун чилиэнэ Афанасий Гаврильевич Гуринов –Арчылан, Академия үлэһиттэрэ уонна устудьуоннара.

Саха государственнай тыа хаһаайыстыбатын академиятын профессора, тыа хаһаайыстыбатын наукатын доктора, Саха республикатын наукатын Академига Афанасий Васильевич Чугунов зоотехник идэтин үөрэтэ сылдьар устудьуоннарга “Чыпчаал” кинигэни ааҕыҥ диэн сүбэлээтэ, инники олохторугар, үлэлэригэр хайаан да туһалаах буолуо диэн санаатын эттэ.