Күндү устудьуоннар уонна преподавателлэр!

Төрөөбүт төрүт тылбыт - саха тылын күнүнэн эҕэрдэлиибит!

     Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ сайда турдун! Норуот олорбут олоҕо, тыына-дьылҕата тылыгар иҥэн сылдьар. Хас биирдии киһи төрүөҕүттэн ийэ тылын эйгэтигэр иитилиннэҕинэ, омук кутун-сүрүн, өр үйэлэргэ муспут муудараһын этигэр-хааныгар иҥэринэр, төрөөбут тылын харыстыыр киһи буолар.

     Олунньу 13 күнэ— сахалартан бастакы тыл үөрэхтээх учуонай, уhулуччулаах сырдатааччы, саха маассабай суругун-бичигин төрүттээччи, сахалыы тылынан бастакы үөрэх кинигэлэрин суруйбут, бэчээттэтэн таһаарбыт Семен Андреевич Новгородов төрөөбүт күнэ. Саха Өрөспүүбүлүкэтин Ыйааҕынан сылын аайы бу күн Төрөөбүт тыл уонна сурук-бичик күнэ бэлиэтэнэр. Эһигини Научнай библиотека ааҕар саалатыгар бу бэлиэ күҥҥэ анаммыт кинигэ быыстапкатын кэлэн көрөргүтүгэр ыҥырабыт!